(Profesoras: Beatriz García López e Mª Jesús Gil Castro)
Esta actividade realizouse en 1º de ESO C, nas sesións de Lingua Castelá e Matemáticas.
Despois de darlle un formato adecuado nun procesador de textos, o alumnado encargouse de levar catro enquisas para as súas casas para que foran cubertas por membros da súa familia.
En Matemáticas o alumnado elaborou os gráficos estadísticos correspondentes ás respostas á cada pregunta da enquisa.
Os gráficos que fixeron foron diagramas de barras e diagramas de sectores. Para isto, empregaron os seus portátiles e o programa de libre office, folla de cálculo. Ao mesmo tempo, íase facendo no ordenador do profesor, e podíamos visualizar na pizarra dixital o proceso.
Sacamos ás seguintes conclusións, despois de analizar os resultados:
- Na primeira pregunta observamos que é moi superior o número de mulleres que nunca fumaron que o de homes.
- Na pregunta terceira vemos que a porcentaxe de mulleres que fuma na casa é maior ca de homes, mentres que a porcentaxe de homes que fuman en lugares públicos é case o dobre que a das mulleres.
- Nas cuestións catro e cinco, sinalamos que aínda que a porcentaxe de homes e mulleres que intentaron deixar de fumar é similar e moi alta, a porcentaxe de mulleres que pensan que poden deixar de fumar coa axuda profesional adecuada é moito máis alta que no caso de homes.
- A pregunta oitava móstranos que hai unha porcentaxe máis ampla de mulleres que pensan que convivir con persoas fumadoras pode fomentar adquirir o hábito de fumar.
- E, por último, na pregunta undécima, vemos que entre os motivos para empezar a fumar, case o dobre de homes que de mulleres din que é por chamar a atención ou parecer interesante. Porén, o número de mulleres que responden que empezan a fumar por curiosidade é dúas veces superior que o dos homes.
No hay comentarios:
Publicar un comentario